Вы чулі сёння ў нашых калідорах звонкія песні? Гэта не проста так! У Гімназіі №10 на ўсю моц гулялі Каляды!

13 студзеня, напярэдадні Старога Новага года, наша гімназія на адзін дзень ператварылася ў месца, дзе ажылі старажытныя традыцыі. Яркая працэсія пераапранутых з песнямі і жартамі абышла ўсю школу, зазіраючы ў класы да вучняў і настаўнікаў.

«Каляда, каляда, адчыняй вароты!» — гучалі пад акампанемент бубнаў і трашчотак традыцыйныя песні-пажаданні. Атмасфера была надзвычайнай: усе смяяліся, радаваліся і з цікавасцю слухалі, як па-сучаснаму могуць гучаць старажытныя абрадавыя напевы.

Гэтае свята стала для нас яскравым напамінам аб нашых каранях, цёплым і незвычайным спосабам павіншаваць адзін аднаго са Старым Новым годам і зарадзіцца выдатным настроем! Дзякуй усім удзельнікам за гэты дзіўны дзень!